2007年8月1日 星期三

星河COCO Park

星期六到了深圳逛,乘地鐵時留意到購物中心站有一個新商場開業,所以特地去看看。

這個商場名叫Coco Park,以深圳來說算是走中高檔路線了。商場樓高最少五層,B2是停車場,B1, L1-3係商場(地下是L1),地盤大約是長方型,商場大約呈C 型,中間空的部分是B1公眾地方,有好多綠化地方,L2亦設有觀景橋。商場有不少名店,有部分是在香港常見的。B1有一部分係吉之島,但沒有中信城市廣場的分店大,L1有一邊做了酒吧街,L2有百老匯電影城,有部分電影比香港早上映,例如變型金剛早於七月十一日上映,而周杰倫新戲亦將於七月三十一日上映, 但戇豆的電影(內地叫<<戇豆的黃金周>>)就而家先上。L3係食肆區,有露天茶座。

P.S.而家佢搞緊展覽,有一部分好似係外國人玩文字,我見到有一個展品係玩香港地圖同上海地圖,佢將上海地名放入香港地圖度,而將香港地名放入上海地圖度,最搞笑係上海地鐵路線圖,佢將人名用黎做車站,有一條線係英國統治者名,但伊莉莎伯女皇二世之後係戴卓爾夫人,之後係馬卓安,之後係貝理雅;港督線仲搞笑,彭定康->董建華->曾蔭權->范徐麗泰->田北俊->李柱銘->劉慧卿->鄭經翰->梁國雄->余若薇,淫賤聯一個都冇,難得呢幅地圖又可以響深圳出現

PS2 我覺得Coco Park 設計上有少少似中信城市廣場

沒有留言:

張貼留言